இரங்கல் அறிவிப்பு

29-08-12  தேதியிட்ட  ஆனந்த விகடனில்  சொல்வனம்  பகுதியில்                     திரு.  திருமாளம் புவனாநித்திஷ்  எழுதிய கவிதை

இரங்கல் அறிவிப்பு

*************************

குச்சி நட்டுப்
பந்தல் போடவில்லை
கொட்டு சத்தமும் கேட்கவில்லை
கண்ணீர் அஞ்சலியைக்
காணிக்கையாக்கும்
நட்பு வட்டாரத்தில்
இரங்கல் சுவரொட்டிகளும்
கண்ணில் தென்படவில்லை
இன்னாரது தகப்பனாரும்
இன்னாரது  கணவருமாகிய
இன்னார் இயற்கை எய்தினார்
என்று ஏற்ற இறக்கத்துடன்
கூறிச் செல்லும்
இரங்கல் அறிவிப்பவனின்
இறுதி  ஊர்வலம்
சென்று கொண்டிருந்தது
எவ்வித அறிவிப்புமின்றி !